صقر البوح - محمد صلاح الحربي
ودعّك من غايته في سماء الفكره
للعيون اللي من الشوق طوّاحه
اعترف ، يا صاحبي ، بالشقا مُكره
كل ما خلف التعب يرخص الراحه!
دام صقر البوح ما طار عن وكره
ما اهتنيت من الورق لو غدا واحه!
رمت هدم البيت ، مارامني (حكره)
لو فؤادي قبل مايهدمه .. طاحه!
يمكن انه يمطر الغيث من بكره
او عسى قاع الورق تعصف رياحه!
ماهو للي ضّرني مدحه ، وشكره
دام قبر البرد في كّف مدّاحه!
كم نزفت من الشجن ، وانتشر ذكره
ما بَرد جرحي .. ولا قلبي إرتاحه
من احب .. ومن اصاحب .. ومن اكره؟
استوت عندي كما التيه هالساحه
كم سطع مشهور هو بالعطا نكره
دام نهر الشعر حاميه تمساحه
ماهو بس الضب من يمتلك عكره
الفكر احيان تصبح هي سلاحه!
والقعود اللي يطامر طلع بكره
وسط بَّر غبار ترقص به اشباحه
لو زلال الصمت ما تتبعه سكره
ما تركت الظل من غي تفاحه!