حائل - محمد صلاح الحربي
مرحبا ، مع مرحبا ، مع مرحبا ، من مرحباني
يسجع الوجدان بالألحان ، والبهجة مطيه
ما حلى وإن هل غيم الشعر ، رذرذ بالمعاني
والموارد أحمديه ، والمكارم حايليه
جيت مثل العاشق المفتون يوم الله هداني
للكرام والمقام وللمداهيل العذيّه
بان لي بيّن منار النور من شفت المباني
قلت يا حايل لفيتك بالغلا يالحاتميه
والله إني لولا قدر أهل الغلا ما جيت عاني
والغلا واجد لأهل الطيب والعنوه شويه
يارجالٍ كنهم من غيث من جوده سقاني
حي هالأنوار والأنهارصوب الروح حيّه
من يشابهكم مابين الناس من قاصي وداني
وانتم القدوه ورمز الطيب واشراف البريه
جيت ابنصفكم وأوصفّكم شعر واكسب رهاني
بس يلزمني عمر ثاني لعمر الشاعريه
لو كتبت الفين بيت وما اكتفيت من المعاني
تبقى حايل واهل حايل فوق كل المقدريه