بنت الخيال - مساعد الرشيدي
سلام ياحايل حبيبة طي..بنت الخيال
الليله انتي سيدة حرفي وانا شاعرك
قالوا انك ماكبرتي ياعروس الشمال
باقي عروس..ويلمع البرّاق بآساورك
لا..لاتقولي شّي عن سر البها والدلال
إنتي خطاك الغيم حيّي وانا عاذرك
الله عليك ليا تواضعتي وقلتي تعال
والله على هيبة غرورك نوب ومكابرك
المسعد اللي كل ماماريعّ عليك الظلال
لمّ البختري والنفل والشيح عن صابرك
ماادري حرام الموت بين يديك والاّ حلال
لكني ادري ليه انا احبك ولاآشاورك
يامرتع التاريخ لاعدّت فعول الرجال
المجد من ماضيك مسراته الى حاضرك
انتي ليا جا للكرم طاري وجابوا مجال
كلٍ تمنى لو يجي مرّه على خاطرك
وانا ادري انك فوق كل اللي نقول ويقال
وان النجوم تغار لو ان القمر جاورك
والشاعر اللي لاكتب بك مايثير الجدال
الله وامانه يابعد حيّي مهو شاعرك