كل الليالي
ردًا على الشاعر (حمود البغيلي)

ياحمود كل الليالي ماتذللني
لوجيت ياحمود طيب وكنت محتاجك

علمي بصوتك مطر وشموس تغسلني
يامحلا في نفاه العمر مسهاجك

لو في عيونك من الغيره تجاهلني
يكفيني ان كسرة الليل بسراجك

اخاتل الليل لين انك تظللني
ياعزوتي واجلد الظلما بكرباجك

انا رفيق العزوم اللي تجملني
الله يحييك طبت وطاب منهاجك

اقلط على هامة الدنيا وقابلني
عد الطويله وكن الشوك ديباجك

وان جادلك ناس عن فجرٍ تزهملني
مد الرهاوي بمدخالك ومخراجك

وان نبح صوتي وشفت الحمل مزملني
اركيت كفي على الشامخ من سياجك

قم شرع الباب للهقوات وازهلني
تبي تزين العلوم ويضحك حجاجك

اما دروبٍ ورى الحروه توصلني
والا عليك السلام وعوّد ادراجك