سمّها - مساعد الرشيدي

سمها ذكرى مزوح اللي تسمي
انت ابو خضر الطعون وسمها

انت ياشيخ البها سيدي وعمي
تنثر ايامي عبث وتلمها

انت همي ول يامحلاك همي
معك ياملح السنين وهمها

قبل اقول لسود الحلوين سمي
من غلا سودك غرقت ف يمها

ان ندهتك تنبت نواويرك بفمي
المحك شمس نهاري يمها

جيت لك من جمر الشوق متحمي
كل ماتبرد طعوني ضمها

جيت لك واقصى معاليقي تومي
هم يخطيها وهم يخمها

ان ضميت اشرب سواليفك بدمي
وان تثاقلت الدروب ازمها

وان خذتك مني عين ماتسمي
العن الدنيا وابوها وامها