لحظة وداع - ممدوح المرزوقي

قابلتها صدفه بسوق البساتين
ومن دون مشعرعدت لي خطوتيني

معهاولدها مابعد تم عامين
ويوم لمحتني فكته تحتريني

ثم جت تخطى مغرق دمعهاالعين
ونااجتلد من عبرتن في كنيني

ويوم اقبلت مني وناظرتهازين
حارت دموع الشوق بالحاجريني

قالت هلا ياسيد كل السلاطين
وحطت يديهاالناعمه في يديني

كن الانامل لمسها باشرايين
وامصيبتي كبرالجبل مرتيني

قلت انتي الي قالت الهرج بعدين
باملا النظرمن شوفتك ياضنيني

كانك تحسب فراقنا له زمانين
عدالسنين اللي غدت من اسنيني

اسهرعلاذكرك والناس ممسين
والخوف من سوالقدرمعتريني

وياماجرالي يازبون المجلين
من بعد ما واد عتني باسنتيني

ماتدري ان عقوبت العين بالعين
هجرتني واليوم وينك وويني

ماكن في قلبك محبه ولادين
وتعبرت ونا العبار تحديني

مالي جداالااخلص الدين بالدين
ومسح بابهامي لها الوجنتيني

وخانتني اعصابي من الوجدوالبين
وقمت ارتعش من خافقن مبتليني

والصمت خيم بعدها بينابين
وفجأه وقف مخلوق بينه وبيني

يقول يكفي قفلن الدكاكين
وقفت توادعني بصوتن حزيني

تلحظ بعينن كنهاعين شاهين
لحظت وداع وهلت الدمع عيني

ومن يوم غابت راحت العشرثنتين
حارالقدم والسوق يلتف فيني

قلت اه ياجرحن له سنين وسنين
قام يتناقض لين طلع خزيني

الله وكبرشاعرآ للثقلين
ون شفت خلي ماجمع الكلمتيني

اقفت وناماقلت لوكان حرفين
ازريت اعبرشوق قلبي بحيني

من حبهااللي مال حبه موازين
وخفي معالم حبها لايبيني

خايف علاهامن كلام المعادين
اهل الهروج العوج والنيتيني

لكن ماللحب باب وكوالين
ماباقي الاانسا رضا والديني

الله ولاشوفت وفرقاالمحبين
احلى ومر اوقات هالحظتيني

والله لتبقا سنين بالقلب ودنين
وحبه يلازمني ملازم قريني

لابالله الاطحتلي بين نارين
اجحد ونا عشق الدجيما خديني

ون كان للحب المخلد عناوين
حبه كتبه الله عذاب بجبيني

والله لوجني جميع المزايين
لاموت ماخلصت بالحب ديني