كل عنزي - ناصر النفيعي
كل عنزي نادى الطعون الشواريد
نادر بتفكيرة وسيع المداريك
يرقى بهوجاس الطواري جلاميد
وينزل بها ريبة مريبة وتشكيك
وتسهد جفونه من حزونه سواهيد
ضاقت بها صدوروساع ٍ ومساليك
لوعة وتنهيدة وفرقاء وتنكيد
انا سريت بليل حزني مساريك
كلي قهر مثلك وحزن و تواجيد
احتاج تعزيني بعاقل مااعزيك
مقيد ٍ باآهاتي ولوعتي قيد
حالي مثل حالك وشوفي حواليك
الصدر مدهال العناء والتناهيد
ياقلب حزنك نار بفراق غاليك
غر الهموم امست جموع وتفاريد
استوطنت حدب الضلوع المشاويك
الى جنان الخلد يا عاقل الزيد
ابكي عليك وبااعذب اشعاري ارثيك
لو شعري يردك ولو دمعي يفيد
لكتب بدمي صدق الاشعار وابكيك
كريم مالك سد جودك مقاصيد
طبع ٍ من خالك وارثه ورث وابيك
الجود طبعك ياخيار الا واليد
تذكر: زد قلت اتعب بطيبك ولا اجزيك
تردد الترحاب للضيف ترديد
لذا مااستغرب يوم لبيت داعيك
ياهادم اللذة بليا مواعيد
زرته وقال الله يازائر يحييك
ياموت شاطرفالعيال الصناديد
ماتاخذ الا روس شوخ ومماليك
وقصيّر الخطوات عن كل رعديد
كلك و فاء لا اهل الحسد والصعاليك
عاقل طوى حبل الغلاء والمواريد
سنة ياموت ودرب الناس تمشيك
ياحسرة الاشعار ياحسرة العيد
شيب التهاني وانكسار التباريك
غيابك غياب الفرح والزغاريد
لاعاد ترجع لي وانا ماقدر اجيك
ارحل مع الذكرى وحلو الاناشيد
واغيب عن وجهه الثرى وارحل اليك
لو بس ساعه ترجع وكل مااريد
اقول : شئ وانت موجود خافيك
اثرك غالي في قلوب الاجاويد
ياكثر والله يوم موتك محبيك
قبائل ٍ شتى ومن دون تحديد
قلوبهم بالحب متعلقه فيك