نايف الروقي - ناصر النفيعي
يادار حزنك حزن، وطعونك طعون
آمالك أحزان ، وطواعينك آمال
متخالط ٍ في خاطري ضيق وغبون
أستلهم الذكرى على روس الأطلال
للقلب محبوبه وللعين مظنون
يشقى بها قلبي ويزهي ويختال
ولي صاحب يسوى من الناس مليون
عز الرفيق وفزعته تشرح البال
نعم الرفيق اللي ينومس ودندون
ان صكت الدنيا من الجال للجال
له فالمدايح ضول عربان وظعون
له فالقدائم مجد باقي ولا زال
من عزوة ٍ تشفي ضهد كل مغبون
بشرى الحياء للأرض من عقب الامحال
يانايف ادفع للمواجيب عربون
وليا يخسئوا هراجة القيل والقال
الشعر لو إنه مقفّى وموزون
ان ماضمد جرح الصواديف بوصال
لاريب لو كله تعاجيب والحون
في ذمتي ذمة مايسوى له ريال
تبقى وروق اهل المعاريف يبقون
اللي لهم في قمة المجد منزال
وبالعون يالروقي وانا اخوك بالعون
من يترك الميقاف ماهوب رجال