ياناشدة عني - ناصر النفيعي
ياناشدة عني من أكون من وين
أسف بتعريفي اذا مني أسهبت
ياناشدة كلي جراحات وانين
ابحث عن الفرحة من السبت للسبت
لو الدمع لهل تزهر بساتين
خليت دار ممحلة كلها نبت
إنسان تكوينه مثل ماتكونين
صدقت أنا كتلة مشاعر وكذبت
ذقت القسا والظلم والياس واللين
عشت القهر والحزن والآه والكبت
أول طموحاتي مهاجر ومسكين
وآخر طموحاتي من الطيش ماتبت
أنا الذي قال وفعل قبل هالحين
خضت المحيطات المهيبات ماهبت
كرامتي هي راس مالي من سنين
ارجوك من غدر اقرب الناس شيّبت
غريب أهل وبلاد انا ارجوك تكفين
لاتنقضين الجرح مهما تعّذبت
مهما يكون الظلم ناس ، قريبين
ارجوك انا منهم وفيهم ولو غبت
هذا انا بالمختصر لا تسالين
تغلبني الدمعة اذا مني اسهبت