قال أحسبك ميت - هلال المطيري
انا يا بدر مع طاري الصوت لين امسيت
وانا لا بعد هالصوت جاني ولا قبله
سرى بالخفوق وجيت اجاريه ميرازريت
سرى بي شمال ولهجته عودت قبله
وانا والله اني خابره بس ما صديت
قبل لاعب بي يا بدر لعبة السبله
من العام لا مل انتظاري ولا مليت
سحاب الكلام ولا انقطع فالرجا وبله
من العام لا من مد وضل الغلا مديت
وانا الوصل وصلي بس حبل الغلا حبله
اقول انت وينك غايب/ قال: احسبك ميت
دبلني وانا كبدي من العام مندبله
وانا تحسبني تبت والا قنعت وجيت
هبلني مثل ناس لهالحين منهبله
تتالى على دربه رجال النعم والصيت
ويبي هلال يفرق صاحي الوقت من خبله
وانا يا بدر مع طاري الصوت لين امسيت
ابد لا بعد هالصوت جاني ولا قبله