يازياد - ياسر التويجري

يا(زياد) روح أرجوك لاتجيني بالشهادة
وأنت ناجح في الدفاتر والقواعد والعلوم

أنبسط عني هناك وعز قلبك بالسعادة
جعل قلبك مايذلك مثل قلبي بذيك الهموم

عزتي للي تعلم بس ماشااف استفادة
من كثر ماهو يخطي مل من كثر ضرب الهموم

دكني وقتي بجيشه واستلمني جيادة
دك محشوم تفحم فالحوية والجموم

يا(زياد)أن قلت رايق مالقيت الا النكادة
وان تصنعت الوناسة ماتجرعت الاالهموم

أملك القدرة لكن مابكفيني أرادة
ومن عطر رمشي لو انه حت والبشرة سموم

والإرادة لو تخلت عن هواها في القيادة
كان ماتنجح ووقتك راح بأسباب الرسوم

والله أني ياأحزاني ماتمنيت الجلادة
لين أنا مليت من نفسي وضوقت الهدوم

وصار مابي الا عظم نخرة وظلم العبادة
وان وقفت أوقف غياره وان قعدت اعجز أقوم

لو صحيح أن الحظ يصحى من رقاده
كان أنا ماقام حظي عند بيبان الرخوم

جعل حظ مثل هذا مرجعه للوساده
واليا بغيته على الله من رقادة لا يقوم

يانهاية فرخ عود ماورثت الاشدادة
والكرامة والصلابة في مواقيت اللزوم

أنت عندك علم بأن البخل هو فيك عادة
أي بمعنى انك أنت إنسان لكن محروم

وأنت عندك علم بأن اللي يكثر نقادة
أن اسمه عندنا رجال لكن ماهوب محشوم

وأنت عندك علم باني ماحسبت حساب نادة
آو عطوة ألفين كاش وبشت من ضمن العموم

وألا أنا مبطي معرف عند أصحاب السعادة
والمعالي والسمو ودخت من حب الخشوم

لأني اثبت ما أتنازل عند رغبات الريادة
واني ما أسوى اخدم وأنا بالفعل مخدوم

ادري انه ياعضيدي كل شئ وارتداده
والدليل أني أذوق هموم ببيتي كل يوم

القهر أني محشم بالمسارى والحمادة
ولو تسحبت المراجل ومتمسك بالسلوم

اشهد ان الوقت مر..وقله الحيلة قراده
والا أنا ماعاد لي دمع الا بطراف الكموم

ودي اجهل كل حاجه ..وادفن الحلم بمهادة
بس وقتي لو تركني ماتركني بالرسوم

يا(زياد)أرجوك عود بالشهادة
واطلب اللي فيد أخوك واطلب المولى الرحوم

العشم أننا بعضنا كلنا نفس الإفادة
أنت ناجح في علومك وأنا ناجح بالعلوم