فى شان ود المك - أسماء الجنيد

يا عزة ..
عزك للبلاد شد الرحال سوح
شايلاو عصافيرنا المهاجرا ..
تهاتى بيه تمرح ..
تدودى الكلمه بالاحزان .
ومره تعود تنم تصدح ..
تناغم الشوق ..
تتاتى لفوق ..
تبارى الغيم معا وتسرح ..
عديلة الليله يابلدى ..
عديلة وزين ..
شباب اتلم فى المطرح ..
قلوبهم عامره بى حبك .
كتير القالو فيك يمدح ..
زى جنياتنا.. ود المك ..
شالك فى حشاه فرح ..
نضمك غنوه فى الافواه
وشتلك فى البرارى بلح
بارى النيل غنا واشراق
ضامى الليل بشعرو سبح
ليك يا المك .. شوقنلطال
فرد جنحيو تياب و طرح
وحات البين وضى العين
سيرتك فى البلود تشرح
وحات البين فراقك شين
نارك فى الضلوع تنتح..
ود المك .
لزوم الليله نوفيك..شوية حق
فشان تفرح ..
لزوم الليله نوفيك .. كلمة حق
تصون الكان زمان روح
قبل ما تبقى احلامنا
سراب مدفونه ما تبرح ..