عاطفه - أسماء الجنيد
الحنان البينى بينك
لا بكيفى ولا بكيفك
والصلات الطاهره نابعه
من غيومى ومن خريفك
والجمال الفيهو نحن
من شعاعى واصلو طيفك
والحرير الفى ستارنا
نسجو من خيطان قطيفك
والحنين الاصلو انت
جارى من نيلك وقيفك
والكلام الجاى منى
نبعو منك ومن شفيفك
والاريج العطرو فايح
زهرو من بستان جريفك
والنجوم الفى سمانا
لوحة فى رملة مصيفك
والرموش الفينى ديمه
واحة لى نارك وصيفك
والغنيوه المن لهيجك
شاربة من بحرك و ريفك
وفى النهاية:
اصل الحكاية:
قصة مبدية فى رصيفك