صرخة من بلادي - جابر الشكرجي
ودّعني الصُبح والْعين بالعين ْ
ومثل كل يوم كام وباس إيدية ْ
كال شتامري يمّة شتريدين ْ
كولي دلِلي يمّه عليّة ْ
رايح للشغل بلْجي الشغل زين ْ
وأريدج تندِعيلي عل الجيّه ْْ
ومِن أرجَع أجيب الخبز ويْاي ْ
وجيبلنْج دوه مِن الصيدلية ْ
راح وأحِس روحي راحت ويّا
وكل دنياي صارت إله ارْبيّة ْ
اهْناك وصوت يمّة ايْصيح مخنوك ْ
تعالي وشوفي يمّة شصارْ بيّة ْ
ارْ كضِت للمصْطرْ لِكيته اشلكيته ؟؟
امْكطع عل أتراب الكاظميه ْ
عرَفته مِن حليبي النِزف علَ الكاع ْ
وعرَفته مِن الشِفايفْ هيّه هيّه ْ
اثاريْ مِن الصُبح امْداين فلوس ْ
وجايْبلي الدُوة من الصيْدليه