شهيد الزفاف - جابر الشكرجي
رحت ما گلت رايح وين الوداع
اختنگ ناعي القدر ما گدر ينعه
رد لهلك وودع كل الأحباب
لبوك اشلون تمشي وما تودعه؟
هاي امَّك تريدك فرحة العين
واخوتك رايدينك ضوه وشمعه
عله اطراف الأصابع نعشك انشال
العزيز اتصير كلها اعزاز ربعه
صارت طشَّت الچكليت جمرات
عله صدر اليحبك ألف لسعه
الصوره والورد والمستهلات
اذكريني ييُمَّه( ) ومن يسمعه
صارت گبة العريس تابوت
واجتِّي الزفِّته ناس التشيعه
وبچيت انته على جاسم العريس
لئن نزلت من التابوت دمعه