صرخة بدون صوت - جابر الشكرجي
لا انته اهله ولا إلك
وبيا ذنب زفوني
عرّيس عود ابفرحتك؟!
انته گبر بعيوني
بدلة عرس بيضه ولك
ثوب العرس چفَّـنِّي
وشموعك اخناجر غدت
وسط الچبد تطعنِّي
وملبسَّك جمرات
حيل اچونِّي.. حيل اچونِّي..
ليلة الدخله عود
ليلة وحشتي جابوني
ليلة الدخله يا سواد الليل
زيد الظلمه
هاي اعله چتلي الناس ملتمَّه
ابفرح ملتمَّه
اتنخَّه وينچ يُمَّه
وينچ يُمَّه
لا صوت.. حته الچانو ايسمعوني
ميسمعوني