يا بحر - جمعة الحلفي
كلما دققت بالبحر.. قلتّْ حيلتي!
يا بحر..
جاي اصلي لك وصوم
جاي..
من غبرة حروب وظلم حكام
جاي احط راسي عله صدرك
واغفى ساعة من الهموم
يا بحر..
جاي اصلي بحضرتك
واعلگ لموجك شمع
جاي.. جايبلك من أهلي علامه
حفنة تراب ودمع
جاي وثيابي تگطر دم
گصه الحجاج بينا يا بحر
وانتَ عطاب ونبع
يا بحر..
جاي أفرش همومي عله شاطيك ونام
جاي اطش حزني عله رملك واشتكيلك
جاي اشم تراب جدمك..
يل بيك ريحه من الإمام