يطبه حرش - حكمت البيداري

أكو ناس لا تكش ولا تمش
ومن كل عقلها تنكدش
وأكو ناس بسرعة تنبش
لو فار دمها يطش
أكو ناس تنفش
مثل ماشايف وشاف
يقندل ينتعش
وأكو ناس أتخاف
من صيحت ولك أتفش
أكو ناس مسلوعه
تاكل حو وحجر، تهرش هرش
وناس مربربا حيل
مال الله وعبادة تلف بالكرش
وأكو ناس مادنكت
ولا طخت راس لأكبر وحش
وناس للصرصر هلهلت
نزعت وفرشت فرش
وأكو ناس غمضت نامت
عالتيغه أنصادت، كمش
وناس ماتحرك جفنها
من فولاذ وحديد الرمش
اليدري بيها يدري
والمادرا كله هش
والماحسب الها حساب
يطبه الف حرش ..