معقولة ! - حكمت البيداري

من بعد فرگت سنين
معقولة !
للحب يرده حنين
قاصدني لوصدفة فات
أخاف ، أجاني شمات
حطيت، أيدي على گلبي
وعيوني تكت دمعات
كبرنا والكبر بين
بس لا، تضحكه الشيبات
أنا الچنت، عنده الحبيبة ، وكل الحياة
يصيحلي ، يابعد عمري ، يا أحلى البنات
معقولة !
اشجابك علي اشجابك
ياترى مني شتريد
كل ما يزيد أقترابك
دكات گلبي أتزيد
لهنانه أوكف وكافي
هذا حدك ظل بعيد
قاصدني لوصدفة فات ..
معقولة !
أبتسملي، مدلي أيده
ونظرات عينة سعيدة
حياني، سلم عليا
سبگتني روحي على أيده
چنچ نسيتي ياروحي
يوم أمس چنتِ شهيدة
قاصدني لوصدفة فات ..
معقولة !
بالك تظن يل حبيب
عن بالي لحظة تغيب
طيفك خيالي وظلي
ياقسمتي والنصيب
بغيابك وأنا بين أهلي
چنت أحس نفسی غريب
قاصدني لوصدفة فات
أخاف ، أجاني شمات
حطيت، أيدي على گلبي
وعيوني تكت دمعات
كبرنا والكبر بين
بس لا، تضحكه الشيبات
أنا الچنت، عنده الحبيبة ، وكل الحياة
يصيحلي ، يابعد عمري ، يا أحلى البنات
معقولة !