ع الشوملي - طلعت سقيرق

ع الشوملي ع الشوملي
مشتاق يا ديرة هلي

قلب الفلسطيني اندبحْ
من كتر ما نبضو انجرحْ

حب الوطن ما أروعكْ
مع كل خفقهْ منسمعكْ

مشتاق لشموخ الشجرْ
يشرب مواويل المطرْ

مشتاق والله يا زمنْ
مشتاق لتراب الوطنْ

ع الشوملي وطاب القسمْ
والله لترجع يا علمْ

* *
* *

يطلع فلسطيني الثمرْ
يسمع حكايا الدرغلهْ

مشتاق والله يا زمنْ
مشتاق لتراب الوطنْ

غيرو بقلبي ما سكنْ
حبو آيات منزلهْ

ع الشوملي وطاب القسمْ
والله لترجع يا علمْ

متل الشمس فوق القممْ
ونعود يا ديرة هلي.

* *
* *