خفقة جناح - أبعاد التركي
ياذيب مامر بعواك الخوف وطعون الرماح
وإن صوتت لك غربة البيدا على الموت تعدي
كنك تشوف الليل دربٍ في مجاهيمه براح
مداك صوت القاع وحدودك نزح عنها الردي
لي صاحبٍ ياذيب لو تعطيه قلبك ماستباح
قلبي ولا غرّر بضحكات العفيفات أجودي
لي صاحبٍ ياذيب متن الليل في كفه صباح
لو ينقض شعوره يموت سهيل في صدر الجدي
في لحظةٍمرت بي الدنيا على خفقة جناح
مدري وطيت القاع ولا القاع ماهي موعدي ؟
سميت باسم الله يوم إن الرضا درب الفلاح
وابكيت صدري من ذنوبي والحنايا مسجدي
يارب جيتك من عنى فكرٍ وقلبٍ مااستراح
أذل وأخضع يا الاهي وانتهي بك وابتدي
ارفق على عبدك وخذنى من مساليكن شحااح
عجزت اصحيها على قبري وتدفن مو لدي
وعجزت من جرح اليتيم اللى غدا يتمه مباح
يارب وش عذري اليا زليت واخطيت اجهدي
ناسن تعيش الموت في نبض الحياه بلا كفاح
وناسن تموت وللحياه كفوفها صدرن ندي
ياصاحبي لاتنشد النسيان عن نقض الجراح
دامي حفظتك حفظ منهاج الحروف الابجدي
والله ليفنيك احتضار الروح وعظامك صحااح
واعيش في نبضك مثل حلم الخيال السرمدي
وان هل دمع ابعاد كل الكون لو يغريك طاح
لا تامن الدنيا ولك قلبن يتوب ويهتدى
رح يافقيد الروح مالك في وسط عيني سماح
والله يساامح عبرتن طاحت وغطتها يدي