تغيّر وجهي من أول غيابك .. | أحمد الصانع

تغيَّر وجْهَي مِنْ أوَّل غيابكْ و إبْتِدَى التأثير

حبيبي مِنْ التَّعَبْ كافي خذيتْ اللِّي " يكفيني "

يا أغلى مِنْ رَحَل عنِّي يا كِلْ الحُبْ والتقدير

تعَالْ : إنْ كان لِي عِندِكْ مَعَزَّه وكان تغليني

تعَالْ : إنْ كِنتْ تعشقني وإذا فِعلاً تبي لي خير

تعَالْ : ومِدْ لِي كَفْ الوَصِلْ وآمِدْ كَفيني

إذا كانْ الجِفا واجِبْ بدى مِنْ قلبي التقصير

أبيكْ الحِينْ تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير

لأنِّي كِنتْ مِتأكِدْ : بأنْ البُعد ينهيني