عطني القيادة - أحمد الصانع
عطني القيادة , وإنت : غمّض عيونك
وتمتع ب رحلة غرامي على الهون
عجزت أعيش ب عمري هذا / بدونك
ويّاك أنا إما ( أكون ) أو ف ( لا أكون )
موشرط من صان الأوادم ؟ يصونك
مافيه ب قلوب البشر { قلب مضمون }
بعض الكلام إن جاك سكّر أذونك
لو خان تعبيرك ترى الصمت ما :: يخون ::
عني الكثيير يسولفوا و / يسألونك
قالوا لك إني ساحرك وإنت مجنون
من خان لـ أجلك مو ضروري يخونك
لـ أني لـ أجل [ عينك ] أنا خاين – عيون