يابوعبدالله... - أحمد بن مطر الهاجري

مناسبة القصيده

هذي القصيده مهداة إلي ولد عمي

شجاع عبدالله بن رفيس الهاجري لانه رجل متواضع

وفيه صفات كثيره وانا اكن له كل الاحترام والتقدير..

يابوعبدالله شوفتك تسعد الناس
مثل المطر لاشيف بارض الجنوبي

يحيي هشيم القاع يوم صابه الياس
وامن المطر سيلن حفرله دروبي

ياصاحبي يشهد لك اليوم مجلاس
بين القروم وعند ضون شبوبي

ماينطفي ضون جلس حوله اشراس
اعيال عم وخال وكلن ينوبي

ياكاسب النوماس يارافع الراس
يعل يفداك الخبيث اللعوبي

وابغا تعرف كل ماهب نسناس
في كل هبه لك تحية عزوبي