طلاسم ارهابي - بدر الضمني
لـ السوالف روح و هروج العرب مقلوبه
ينبعث بأنفاسها شيٍ يثير أعصابي
لو تغلَف بالمزوح حروفها محسوبه
ما تعدى جورها عن حسبتي و أعرابي
من تعرى بالنوايا يلتحف عذروبه
و من تمادى بالخطا طرفتله مشعابي
يا براغيث الحكي و الفكره المنهوبه
عن مسابق كدشكم و الله تشوم ركابي
كل رجالٍ على قده يفصل ثوبه
و أشهد أنه من نسيج الشعر سلك ثيابي
صدق عذروب الزمن ياطا على عرقوبه
دام بوذي يرجي السجده على محرابي
كوبةٍ تلعن ثواه و نيته للكوبه
و الله أني لاكسر خناعه و أصير أرهابي
و أنتمي لأفكار ممنوعه و هي مرغوبه
و أنفض أم السالفه و حسابها بحسابي
الغلام أنثى و الأنثى بالطبايع عوبه
عندها كل الزوايا لونها عنابي
صارت وجيه الحيا بأسبابهم مشحوبه
عن ملامح غيَهم سجيتها كعَابي
رحت أغني بالطريق اللي قبل غنوبه
أعتلي كل الحسوف و بالنواجد نابي
يا هجوسي و الغبي لازم تبان عيوبه
لا تعلق في طلاسم حبكتي بكتابي
الهقاوي عوج و أنفاس الشعر مقضوبه
يعرف أنه في ضياع .. و بكثحه بترابي