على ومضة - بشاير الشيباني
على ومضة انتهى حبه وصار فراقنا عادي
مثل غمضة بها رمشٍ يلامس رمشٍ ويرحل
تجرد كحلي من عيني وساح الخد بسهادي
وصاح الوقت ممداني أقدم ساعتي أطول
ضحكت بشهقة أحزاني أنا متحطم مرادي
يزيد بداخلي همٍ على همٍ وأتحمل
أنا ودي لو ألقاها يدينه وصوته الهادي
أنا كلي رجا ألقى الدجا في طلته أجمل
عيوني تشبه عيونه ولكن طيبها البادي
حنانه ماليٍ قلبه ولكن طبعه المهمل
حياتي نور هالدنيا نسيت شلونها أعيادي
تغيب أيامي وتشرق وأنا ف غيبوبتي منهل
يصافح حزني أحزانه وترثي أفراحي فؤادي
وصوت ألحانها جروحي تعالى عزفَها وطوّل
نحيبي آه يا دموعي قتلتي لحظة رقادي
نساني حلمي خلاني بواقع فيه أنا أجهل
على ومضة انتهى حبه وصار فراقنا عادي
مثل غمضة بها رمشٍ يلامس رمشٍ ويرحل