الهافي السربوت - تركي الديحاني

ياصاحبي في صحبتك كنت مبخوت
يومٍ علومك كلها مسفهله

يومي اجي بيتك واعقّب لي بيوت
وقول يفدا بيتكم الف فله

سوالف كانت جواهر وياقوت
واليوم اشوفك زدت بالطين بله

ياليتها كانت على لعب بيلوت
وامشي الموضوع دقه وجله

لكن هذا غير ... لايمكن تفوت
زلتك هذي غير عن كل زله

راحت سوالفيك سواليف حتحوت
اثر قليبك فيه يالهيس غله

كله ولا المطران حدّك ياهلفوت
مرضى على ايّة مطيري مذله

مطير عمّانك ياهافي ياسربوت
واصغر مطيري ماتجي ربع ضله

فعل المطيري بساحة العز مثبوت
وكل العلوم الشامخه في سجله

بعطيك نبذه واتكوّن من بيوت
وكل الكلام اللي يجي في محله

علوى هل الردّات نطاحة الموت
على العدا مثل النجوم المطله

والعبدلي اسمه على المجد منحوت
سيفٍ مجّرب يعجب اللي يسله

وبريه واحدهم لو انّه في تابوت
لامن نخيته جاك فزاع كله

ثلاثة اسما عز من كان مكبوت
رفيقنا بقول الجنوبي نشله

للموت جلابه وللشيخه بشوت
ولسّلم حلاله وعلى الضد عله

ربعي وافاخر بصلهم وارفع الصوت
بالمنتدى والا بوسط المجله

من دونهم اشوّت المنبقط شوت
واقولّه طس اذلف بعيد يالله

اشوش خلقه ماتشيّش ابريموت
جينات تكويني من الله جبله

وخلك بديوانك على الهند والكوت
والطيب رجلينك حشا ماتدله

اقطع السانك ثانيه مرّه ياسربوت
لاجبت طاري مطير بيات زله