أدعج عنج - تركي الديحاني
اللي بلاني جعل ربي يبتليه
عامين قلبي محتمل قساوته
فوق القساوه والاذى مغرم وابيه
اموت في عسره على نداوته
احترت في طبعه وطبعه حار فيه
اوقات حبه لا عشق متفاوته
مزيون مامثله مع العالم شبيه
حتى سواليفه ذهب واكلاوته
يغريك لامنه هرج الله عليه
لاقام ايكسرها على بداوته
ادعج غنج والموت غمازة عينييه
مايستر الغمزه دبل غشاوته
وشفايفه كيكة حلا من سابليه
لاذقتها تدمن على حلاوته
مجبور احبه والهوى ماهو نزيه
حب السنه شاخت معاه افلاوته
ياليت ربي ايسخره ثم ايهديه
اليا هدى الله على هداوته
مدامني جنبه ويطلق حاجبيه
ماتهمنى بعض العرب عداوته
اهم شي اني احبه واحتويه
اسوق عمري وامتلك غلاوته
واليا حصلي قلت مشالله عليه
وان ماحصل اطق من قساوته