الحبيب الاولي - تركي الديحاني
كنت احسب ان الحب الاول مايروح
ثابت على طول الدهر ماينجلي
لكن بعد ماشفت ابو الوجه الصبوح
غيّرت رايي بالحبيب الاولي
الاولي ماشفت منه الا الجروح
بنيت منزاله وهدّم منزلي
والا انت شيّدت المباني والصروح
وعمّرت قلبٍ كان مهجور وخلي
القلب من سبتك ماظني ينوح
ياجعلني مابكيك ياريحة هلي
اصبحت لي ياغايتي اكبر طموح
بعدك دمار وصحبتك مستقبلي
كلي فدا العينييك والرمش الذبوح
مع شامتينك والجديل المخملي
وغمّازتينك لا اضحكت لي يامزوح
حرق شراييني وتصلاني صلي
شاعر ولا عمري خبرت اني شحوح
الشعر بوصافك يفيض ويمتلي
كل ماكتبت الشعر في وصفك وابوح
جاوب على شعري صفير البلبلي
على النقا مغليك واحب الوضوح
سيّر عليه واترك الباقي علي
اكذب عليك ان قلتلك ماني شفوح
في شوفتك يازين : واسمع مايلي
ماهو صحيح الحب الاول مايروح
هذا انت ثاني بس مسحت الاولي