حليمه والهام الفضاله - تركي الديحاني
الموبايل دقته دقه قديمه
ماتسر امكالماته واتصاله
دام مابه شوف والضمه حميمه
البقا في راس مضمون الرساله
للوصال نقول يامال الغنيمه
وللفراق نقول الفين استحاله
ومل قلبٍ علته داخل صميمه
من عشق والحال ماهي بي حاله
دايم دروبي عواقبها وخيمه
وين ماوجهت حظي خاب فاله
اتذكر من لها قدرٍ وقيمه
جادلٍ في زينها كل الاصاله
بنت بدوٍ في شراييني مقيمه
حبها حب وسلالتها سلاله
يوم تقبل ذكرتني في حليمه
ويوم قفت كنها الهام الفضاله
ثغرها لا من تبسم برق غيمه
وجمرها لا سولفت زاد اشتعاله
ورمشها يذبح وشامتها يتيمه
ولا تهزع خصرها بلوى لحاله
من نظرها راح يلعن في حريمه
كنها سوّت سوات البرتقاله
لوّها عندي اسويلي جريمه
دام قلبي حبها والخوف شاله
مير بعض البعد للعاشق غنيمه
لو على كيفه يزوّد في هباله
مترفه وطعونها فيني اليمه
وجرحها الذباح مادور بداله
فوق كل الطعن وجروحي سليمه
والكلام المنعوج مالي وماله
والعذول اللي يدوّر للنميمه
لا حكى ودّك ترصّه بالبياله
عاشق مجرم ولا حب الظليمه
كود لامن جات بالزين ودلاله
وبنت ابوها في مواصلها غشميه
ماهي ابمثلي المواصل راس ماله
والموبايل احسبه دقه قديمه
وصرت اشفق في كلامه واتصاله
وصار لاشوفه ولا ضمّه حميمه
يذكرج بالخير ييّام الرساله