الزله - تركي الديحاني

زله وانا معترف وارجوك سامحني
ومثلك يعذر الخطا لعيون غاليه

معك الامانه ياروح الروح تمنحني
فرصه تبين صفاة القلب والنيه

جيتك تغني عن العالم وتفرحني
وان رحت راحت معاك الروح موليه

يكتبي البعد من عقبك ويمسحني
ارجع وخل الجفا لا تجيب طاريه

ياخي...احبك كثر مالشوق فاضحني
استر غلاتك وكلٍ شافك هنيه

والكل والله على صدتك ينصحني
رجال هااايب ولا تقدر على بنيه

وانا لو انك عشر مرات تجرحني
كل جرح يزيدك غلا ويقربك ليه؟

واذا انت ناوي تعذبني وتذبحني
الرووح مبطي على شانك فداويه

ماهمني الناس تخسرني وتربحني
مدام طيفك يساومني على الجيه

ابك...انت لو بس في يدك تصافحني
كني ملكت الامل في راحة ايديه

تعال لملم شتاتي ولا تصارحني
انا ادري الحق من راسي لرجليه

مليون مره اعترف وارجوووك سامحني
ومثلك يعذر الخطا لعيون غاليه