بنت الرياض - تركي الديحاني
اجيك لوّك بالحسا واجيك لوّك بالرياض
الصاحب اللي يشبهك اموت وانا ادوّره
ارد على الموت الحمر وارد على كل الحياض
والليله اللي جابتك يغلى بشر منوّره
منوّره دامك معي ياسيد ترفات الغضاض
من دونك الدينا تجي بلا طعم ومزوّره
ارتب شعوري شعر واسمعك من يوم هاض
واذا قصيدي معجبك نذرٍ علي اطوّره
اخذ حمار امبيسمك وخذ من الخد البياض
واذا رفعت مجدلك اتخيله وصوّره
وعيش حزتها فرح كني ابمداهيل الفياض
واقول فرفش وانبسط دام الليال مدوّره
متى تحسّس صاحبك انه من الناس الحضاض
تعال وادخل في حشاي واذا دخلت اسوّره
جِسَدك مِن قطن وحرير وفوق هذا لا اعتراض
لكن اخاف امن الهوى كل مايهب يعوّره
وتدري متى حسيت انك ساكن ابوسط الرياض
من يوم ماجيت الرياض وشفت الرياض منوّره