المشاعر حيه - تركي الديحاني
قيلت هذه القصيده في حفل تخرج ظباط الامنيه
ابدى قصيدي والمشاعر حيه
يامرحبا بالشعر والقافيه
شاعر وجيد الشعر وحبك قافه
وبيوت شعري بالذهب مطليه
الشعر لامني طلبته جاني
غصبٍ على عينه يلبي الجيه
جاني وقال اطلب ياتركي وامر
قلت استمع ياشعر بس شويه
بمناسبة هذا التخرج جتني
دعوه وفيها امسيه شعريه
شعر وفرح ومجاد بسم الابه
وستين متخرج من الكليه
رقم قياسي بس ماهو كافي
المفترض ميه وعليها ميه
عمر الرتب مازودت مطيري
لن الرتب بعيوننا عاديه
مطير هي اللي تزود الرتبه
ومن دوننا كل الرتب منسيه
فعلٍ موثق والخلايق تشهد
اقولها وابصم عشر بيديه
سلطان ابن عادي وصيته عالي
مراجله مسموعةٍ مرئيه
له موقفٍ واضح بيوم الخفجي
قايد سرايا القوه البريه
واذكر ابن عثمان وابن عايش
ومحمد الهلال ماجا زيه
وعلي علي المشعوف رمز الهيبه
ودكتورنا خلف ردن ياحيه
واكثر شهداء البلد مطراني
ماهمهم الموت مع طاريه
كن المطيري يستحي من موته
خصٍ ممات السكته القلبيه
لاشاف طلقات المسدس جاها
يحب يستشهد نهار الهيه
حتى الفشق في موتنا يتفاخر
يقول لمطيري يساوي ميه
ربعي مطنخ تنطح الكيماوي
وافعالنا ارضيةٍ جوييه
تاريخا واضح وفعله بيّن
حنا سوات القنبله الذريه
ولا قول تشهد بالفعايل عالم
تشهد علينا الكوره الارضيه
واليوم جينا للرياض انشارك
تخرج الظباط بالامنيه
المملكه بوجودكم مرفوعه
انتم حماة الديره المحميه
واللي يخلي للبلد عبدالله
سيد الرجال اهل الفعول الحيه
هذا ابو متعب ونادر جنسه
شخصيته مامثلها شخصيه
ومن قبل ماختم اردد جمله
على القبيله جملتي حصريه
لا شفت في كتف المطيري نجمه
تاكد النجمه ماهي عاديه