حاجة صغيرة - تركي الديحاني
اشغلتني يالغضي في طاري فراقك
تبي تشوف الجفا وشلون تأثيره
وادري كلامك ماهو من داخل اعماقك
الله يرحم اهلك ْ تفضّها سيره
من يوم ماجيتني انكشفت اوراقك
ادناة حاجه اشوف الشك والغيره
ولاهو ضروري تسولف لي عن اشواقك
الحب باين على وجهك تعابيره ؟
اصبحت يالغيم رعادك وبراقك
وهذا وتوْ العلاقه بيننا قصيره
اقدر على رفعتك واثبّت ارواقك
واقدر اضيّق عليك الدار والديره
ودك تخطف الحشا واصبحت سراقك
البعد والصد دوّرلك حكي غيره
اهم حاجه معي تظبّط اخلاقك
وان قلت ابوادعك اموادعك خيره
متهز شعره براسي لحظة فراقك
لاني اشوفك بعيني حاجه صغيره