لولا وجودك انت عزي لحالي - ثامر شبيب
لولا ظلام الليل مابيّن الصبح
ولولا المواقف ماتبان الرجالي
ولولا الغرق محدٍ تعلم على السبح
ولولا الفرج خاويت سود الليالي
ولولا الخساره تنعدم قيمة الربح
ولولا وجودك انت عزي لحالي
غلاك ذابحني وانا قابل الذبح
لو منت غالي كان مارخصت غالي
لاتلتفت للهرج يامبعد الشبح
هرج القفا طبع الردي لاتبالي
الكلب حول البيت يكثر من النبح
والذيب يعوي بالرجوم الطوالي
وانا معك من غيبة الشمس للصبح
والصبح روح وخل طيفك قبالي