لسّاك فاكر - ثامر شبيب
كان الوعد باكر وانا جيت باكر
شايل معي موعد وماضي وتذكار
قلت الحقيقه لموعدك دوم ذاكر
القلب كنه يتنظر لك على نار
قالت بلهجه غير ( لسّاك فاكر )
تضحك .. وانا واقف وانا شبه منهار
بغيت اقول .. وقالت : بصوت ناكر
( اصلا انا مذكر معك موعد ٍ صار )
قلت اسمعي مني وانا اكون شاكر
انا اللذي حطيت لك باب واجدار
واليوم يوم اصبح وراك العساكر
رفعتي راسك فوق بهتان وانكار !!!
قالت وهي تضحك على اسلوب ماكر
( صدقت انا اضحك معك ياشمعة الدار )
قلت الحقيقه واضحه إبلا تذاكر
ماكل منهو زل يلقا له اعذار
وانتي نسيتيني وانا كنت فاكر
اني بجي ويكون طعم اللقا حار
لكن وعد مني اذا عشت باكر
ماعاد لك موعد وماضي وتذكار