الوقت - حسن علي الهاجري
ابدى بذكر الولي وابليس ما له محل
ومن بعد ذكره تعالى يا هجوسي دعك
امن المدايح وخلك من قصيد الغزل
وهات النصايح وهات الجزل من مصنعك
خابرك لا من حضرت يغيب عنك الهزل
وفرايد الشعر والأبداع من منبعك
والنصح ينفعك وقت العرض وافضل عمل
أنك تبين خطا المخطي ولا يدفعك
الاّ ابتغاء الأجر والنصح يشرى بجمل
في ما مضى والبشر ذالوقت ما تقنعك
كلّ يريد السلامه لو حصل ما حصل
ولو صحت بالصوت تبطي ما حد يسمعك
لكن تبرّي به الذمّه ليا جا الأجل
ولا يهمك بشر لا صار ربي معك
وبقتنصها ما دام الوقت يمشي عجل
والوقت كالسّيف لو ما تقطعه يقطعك
نصيحتي للضعيف اللي لدينه همل
اطلب من الله عن دروب الفتن يمنعك
ونصيحتي للظلوم اللي جفاه العدل
اللي صفعته تسامح منه لا يصفعك
ونصيحتي للكذوب اللي يحسبه هزل
ترى لسانك حصانك واحذره يخدعك
ونصيحتي للذليل اللي ما عمره صمل
ترى الشجاعه ليا ثار العدو تنفعك
ونصيحتي للبخيل الليّ ذبحه البخل
انفق قبل لا يجي يوم وتعض اصبعك
ونصيحتي للطموح اللي طمح ثم فشل
لا تتبع الياس ودروب الرجا تاسعك
ونصيحتي للكسول اللي قنع بالكسل
العلم فالمجتمع يا الآدمي يرفعك
وختم النصيحه له المنه وكل الفضل
الله ولا غيره اللي رحمته مطمعك
قدّمت ما جال في فكري وعندي أمل
أنه يحوز القبول إليا وصل مسمعك
واللي يدوّر ترى لا بد يلقى زلل
ولا يهمك بشر لا صار ربي معك