تركي محمد - حسن علي الهاجري
في صاحب السمو الملكي ..الامير / تركي بن محمد بن فهد آل سعود ..
يا هاجسي وان حضرت يبين ميقافي
وفرايد الشعر منقوضه ومفتوله
اغوص غب البحر واجيد محرافي
واجني بفضل الولي مرجانه ولوله
انظم جزيل القوافي واحذف اخلافي
فكرة بيوت من الشعار منقوله
شاعر مفوّه ومتذوّق ومتعافي
يا هول بدعه وراع البدع يا هوله
وخزاين المدح من زينات الأوصافي
في مدح ساس الكرم ما هي بممحوله
وإليا مدحت السنافي طاعني قافي
يزهى القصيده وعند الناس مقبوله
تركي محمد فهد حلحيل وسنافي
يستاهل المدح والعدوان مخذوله
حرّ جمعله حرار براس مشرافي
وهذي ثلاث سنوات يرخي سدوله
واصبح لهم طيّب الانساب مضيافي
قرم يمينه بفعل الخير مبذوله
رجل المواقف بوقت الضّيق ينشافي
ينقل حمول الذي ما ينقل حموله
منصى رجال الوفا من كل الأطرافي
ويعوم بحرالمراجل عرضه وطوله
له الكرم والوفا دستور واعرافي
والطيب والجود صار اليوم مسؤوله
يضحك حجاجه ليا من جيتله لافي
يجلى المعاضيل حتى الكايد يطوله
متسلسل من فهود طيبها وافي
افعالها بينه ماهي بمجهوله
اموسّد من فهد والنايف ألْحافي
وجدّانه اكبر من اللي ودّي اقوله
ومحمّد عند راسه مشلحه ضافي
امعرّب تفتخر به خزنة فعوله
ويا امير أحبّك مثل ما حَبْ ابن شافي
جدّانك اللي لهم في المملكه صوله
ساروا تحت راية التوحيد بإشعافي
جيش يدك الحجر وسيوف مسلوله
بقيادة اللي ليا منه وعد يافي
عبدالعزيز المليك اموحّد الدوله
سرنا معه والوفا من طبع الاشرافي
خزنة ظفر والكبود السّود معلوله
الاسم منه وحنا سيفه الشّافي
اليا ومرنا نطول ونكسب الجوله
نقلط بشلف وحدب حداد ورهافي
ونرد كيد المعادي لْسرج خيوله
وحنا لكم سور لامن جنب الهافي
وابوابنا للولاء ماهي بمقفوله
ويالله تديم الوطن بالامن يا كافي
وتعز شعب السعوديّه هل الطوله
تمّت حروفي وبان اللي معي خافي
ولأجل السنافي قصيدي فاح معموله
والمدح لا من تعدّا الصادق الوافي
ما له حلا سامج ولا تقدر تقوله
يفداه رجل بوقت اللازمه طافي
اللي ما ينفعك لين تقدّم عْموله
وامن الكويت العزيزه سقت لك قافي
وبذر بذرته ترى ما مات محصوله