شاطيء الراحه - حسن علي الهاجري
ثلاث شهور ما خطيّت في دفتر قصيدي بيت
تعطل واهس الفكره سبب ما تفرز الساحه
قنوات ٍكثيره والمشاهد صار به تشتيت
تمثنوا فالهماج وجنبوا صافيه وقراحه
تكدّس ضيق صدور الكرام وطيّبين الصيت
تقفل باب جزل القاف وضاع اليوم مفتاحه
بعد ما غاب نقاد الشعر .. صاح الشعر مليت
كفايه يا الاوادم لعب صار الشعر مرجاحه
بلشنا كل مستشعر ومستهتر .. ورب البيت
وكدّرنا البليد اللي يصج الناس فصياحه
و بعيد عن عوار الراس والساحات والمانشيت
ولا فكرت في المليون ولا في شاطي الراحه
بعد ما صار تقييم القصيد الجزل بالتصويت
سلام الله على الشعار والله يخلف الساحه