احوال الامة - حسن علي الهاجري
بعض المشاهد شوفها يدمع العين
والقلب منها دايم ضايق البال
لو جيت اعدّد ما تكفي دواوين
الوضع متدهور من سنين طوال
والمشكله يبغى لها سنين ودنين
ما هي بلحية عشرة بيوت تنقال
لكن علي أني اسوق البراهين
وأبرّي الذمه ليا مال من مال
الغرب يدفع لأجل دينه ملايين
وحنا العرب يا للاسف نكنز المال
الغرب ما يعرف حدود وقوانين
وحنا يدينا مكبّلات بالاغلال
وين العرب وإليا متى هم ضعيفين
ليه التفرّق والحسد والتخذّال
عن نصرة الاسلام والدّين لاهين
وكلّ على ليلاه يلعب بموّال
مليار ما نقدر نحرّر فلسطين
ولبنان ممّا صابها دمها سال
وبغداد تشكي ظلم ناس قريبين
تمسي على غربال وتصبح بغربال
تفجير وقتل ونهب والشعب ضجرين
مما يذوقونه من ايدين الأنذال
حسبي على الارهاب دمّر بلادين
ومكن عدو الدّين في سهل وجبال
واصدق مثل الأفغان صاروا ذليلين
وبأسباب غلطه حطمت كل الآمال
تكالب العدوان بيْسار ويمين
لين شربوا من مر الإذلال فنجال
راحت ضحية مصلحه والعرب وين
نشجب ونستنكر كلام بلا افعال
مدري جبن ولاّ من الخوف ناسين
نضحك واهلنا حدّهم أشهب الّلال
واشلون ما حن للمحارم غيورين
راحت اراضينا مَعَ كل عيال
الله اكبر وين اهل بدر وحنين
وين أهل مؤته واهل خيبرعن الحال
ما اقرب صلاح الدّين من وقتنا الحين
ولابد يطلع مثله اليوم رجّال
يقلب على رووس الطغاة الموازين
اللي على الأسلام عدوانهم طال
ولا يَحْسِب حساب اليهود الملاعين
ولا يعبر للنصارى بمثقال
ويدوس روس الفرس وحنا ملبّين
متوحّدين الصف رجلي وخيّال
قولوا معي آمين آمين آمين
الله يعز الدّين ويفك الأغلال