تسلم يمينك - حمد سعد المسرع

تسّلم يمينك جعّلها ماتعقّب
يمنى تصافح بالغلا كف مشتاق

يمنى صحيب بالشدايد إمّجرب
ممزوجة بالصدق وبنار الاشواق

اللي هواه بوسط روحي تسرّب
واليا طرا بالفكر راق الفكر راق

ان قت له مرتاح والا معذّب
ماعاد تفرق دام شوقي له انساق

اللي عيونه عين حر مدرّب
ياما غدت فيها رجاجيل واعناق

اليا سألني عن هواه اتهرّب
وهو يدري انه ساكن وسط الاعماق

غلاه في عوج الحنايا تسبب
في عاطفه لي خربطت كل الاوراق

لا جيت ابي غيره ضميري تأنّب
يقول لي غيره من الناس مالاق

محّشوم عندي وبغلاته إمّوجب
يزيد حبه كل صبح ومشراق

لعيونه اتحاشا العرب واتجنّب
الحب واحد واعذب الناس عشاق