لاتزعلني - حمود البغيلي
رديه مع الشاعر (مساعد الرشيدي)
يامساعد ربيع اضحك لاتزعلني
خلك اليا شفت وجهي يضحك حجاجك
لك الشرف يوم امثلك وتمثلني
يابحري اللي يضيع القيس بامواجك
اصيرلك لقمه لاجعت! تاكلني
وليا اذبحك الظماباصير هداجك
ابيك لاضاق صدرك ماتجاملني
احب انا راحتك ما احب انا ازعاجك
خذني معك في سماك ولاتنزلني
خل المسافه تحن لشوف ميراجك
وان شفتني طحت مد ذراعك وشلني
طرزني نجوم ليلٍ عزها تاجك
وان شفتني ملت صححني وعدلني
حتى ولو كنت اجيب النور لاحراجك
تراي ثوب على كيفك تفصلني
تسلمه هامة التاريخ لابراجك
جادلت ناسٍ على شانك تجادلني
وخليتها يوم فاح الجدر تحتاجك
خذ هالقصيدة رجاءا بس ناولني
بيتين شعر جميلات من انتاجك