عمى الراي - راشد الذيب
الله من عين دمرها عمى الراي
تيهات الاريا اللي دعتها ذليله
يفرها الهاجوس من هرج حكاي
وماقسم المخلوق لزم يجيله
لو كان دونه من صليب الحجر ناي
ماقسم له ياتيه مافيه حيله
انا لو ابين على الارض دعواي
تضعضعت من ماجرالي بليله
اكن غايات الحشا من دناياي
واصبر بهمي كن مالي قبيله
ازجر كما حيد من البعد رواي
واصيح صيحة تايهي للدليله
وين انت يا اللي تصل العلم مشكاي
وترد مايبدي الضمير ويشيله
ازريت احصل غايت النفس ومناي
واحصرتي صارت عظامي نحيله
وثقت مع ضرب الرجاجيل مرماي
لاشك صارت يا النشاما سحيله
لاصار ملقى حاجتي وسط مخباي
البر ماينفع نهار الوهيله
يابن العروبه ضيع الوقت مجراي
وتخالفت بين العميل وعميله
اليوم صارت بالدنانير والباي
ماعاد تلحقها السبوق الاصيله
وايضا وصارت بين بايع وشراي
مايفرقون انف الجمل من ارجيله
مايفرقون الدر الابيض من الماي
ناس على الهامش خطاهم طويله
ازوالهم في المجتمع تعجب الجاي
ولا احتجتهم لبسو ثياب الفشيله
ناس على الخيبة سريعين الادلاي
ورضوا على انفسهم الدروب الرذيله
منهم وعنهم مقفيات مطاياي
مالي على الواحد جلاده وميله
اقولها يوم اسعفت سر وابداي
ورزقي على الله كل عبد يسيله