حب الخشوم - سعد برّاك
رفيقي تمهل لا تزيد العلوم علوم
تعاتب رفيقك في علومٍ تصورّها
أبقول مانت من الخطا يافتي معصوم
وأبدمح لك الزله وعشرتك أقدرّها
مداميح قرمٍ يدمح الهرج لأجل قروم
ربوعه بهرجه مايجّرح مشاعرّها
علي الرايه البيضا مدام القدر محتوم
وأظن الرجال أهل المواقيف خابرّها
سلوم الرجال أمثال جعل السلوم تدوم
رجالٍ تعز سلومها الله يكثرّها
أنا عشرتي وياك ماهيب ليل ويوم
علي هون نفسك ليه بالله مكدرّها
ترى والله أنك عن كلام الغلط محشوم
ورفقتك ماضيها نصونه وحاضرّها
علي طرقتي لانيب غادي ولا منجوم
أسج القدم للعز مانيب قاصرّها
أنا والله أنه فالوفا مالحقني لوم
ونفسي عن هروج السماجه مكبرّها
ترانا علي خبرك وننطح وجيه القوم
وقومٍ نواجها تكاثر عثايرّها
مدام الجبال جبال وإن الطيور تحوم
عسى أهل الوفا رب الملا ما يصغرّها
علي عز يابرق الحيا والقدر مقسوم
لعل المزون الغّر ينهل ماطرّها
تنومس قصيدي يامزاجي وصح النوم
وهاج البحر وبيوت شعري مصخرّها
أنا لي قسومٍ بالملاقا وخير قسوم
أميز شواعير النبط وأعرف أخيرّها
هلا بالصحيح المعتمد والرخوم رخوم
رخوم الرجال الله بقوله محقرّها
تجود المعاني والهدف واضحٍ مرسوم
جزال المعاني يوم بانت بوادرّها
قصيدٍ بلا معني يزيد الهموم هموم
ويبقي من جزال القصايد نوادرّها
ترى الشعر فن وذوق حيث الرجال عزوم
دليل القصايد طيبها بدع شاعرّها
يقولون كسرا الفرس رافق زعيم الروم
وأنا أقول من كسّر عظامه يجبرّها
مدام الجمل شقران في غاربه موسوم
وسومٍ صواديف الزمن ماتغيرّها
ترى ناقة الغربال لقحت وجابت توم
ياسبحان رب الكون والناس بشرّها
ليا كبرت اللقمه ونشبت علي البلعوم
لاتستغرب دموع الرجال ب محاجرّها
زمان العجايب حط ربع الطريق خصوم
عجايب فلا تتعب عيونك وتسهرّها
أخذ كلمتي ياصاحبي وأترك أهل الزوم
مظاهر عباد الله ماهي مخابرّها
لياجيت سوق السوم فأطمع ب غال السوم
هذا العلم ومخاشر سميرة يخاشرّها
لو إن المراجل ماتجي غير حب خشوم
لقيت الرجال خشومها اللي توقرّها