قراح الشعر - سعد برّاك
يابحر فيك أسرار واغطاك الامواج
ولاأحدٍ كشف سر البحور العميقه
يابحر في ساحلك مدخل ومخراج
وفي جوفك ألاف العلوم الغريقه
في صوتك العبره وفي صمتك ابراج
وفالطول سد وعرضك ألفين ضيقه
عن سالفة مدري وعن كل هراج
وانا يميني فالمواقف طليقه
البارحه كنّي علي بير هداج
أشرب قراح الشعر وأبل ريقه
يادرب ياللي يسهجك كل سهاج
متعب وفي ممشاك ويش الطريقه
وش آخر الانتاج في سوق الانتاج
جعل الوصل بين الرفيق ورفيقه
لا صار بعض الناس للبعض يحتاج
فأنا عقيد وراس ماني عليقه
اعرف معايير الذهب واعرف الصاج
حيث الوهم ماهوب مثل الحقيقه
ضحكة احجاج وعقدت احجاج لحجاج
سبحان من دبر أمور الخليقه
ماكن به كوفه ولا كان حجاج
راحت سوات الثانيه والدقيقه
وان جيت اخلط الضحك بأسباب الازعاج
ذكرت بحرك يالخليج ومضيقه
مضيق هرمز يدخل افواج وافواج
علي الخليج اجدادها والعتيقه
مؤلف القصة شكا ضعف الاخراج
والدور همّش والبطل في حريقه
وشلون تقفل يا بطل باب الاحراج
الوضع مزرى والخطا من يطيقه
والبارحه كنّي علي بير هداج
أشرب قراح الشعر وأبل ريقه