الإنطوائية - سعد برّاك
ياطرق ياطرق المعاني والجزاله والقصيد
ابداع فكر الشاعر اللي ماينزل مستواه
الدرب توّه فأوله والعلم والمغزى بعيد
يالله تثبتني علي دربي وأوصل منتهاه
ياطويق ياطويق الجبل لاصار حيدك من حديد
هو ليه لاهبت هبوب تطيح من راسك حصاه ؟
لاصار تبرير المواقف مايسّر ولا يفيد
وش خانة التبرير والترديد يا مال الغناه
اهم عرقٍ فالجسد معروف يا عرق الوريد
لولاك ما عاش الجسد ولا تمتع فالحياه
يا ( رواية ) الاحداث وش فرق القديم من الجديد
احترت عند اقرايتك واحترت من طبع الرواه
إن راحت ابنوك الذهب فقرا ولا فيها رصيد
مانيب مستغرب مطاولت البناه من الرعاه
الالتفاف من التفاهه والرساله فالبريد
والانطوائيه مرض معضل ولا يوجد دواه
والاشتباه بدون أدله مايوردك الاكيد
مثل الطغاه واعوذ بالله الكريم من الطغاه
يابدو ياللي من زمان العام تطرون الشديد
هذى سنه وانتم يا دون العلم والا من وراه
الوقت يجري والسنين تدور والزايد يزيد
اصحوا تقولون المنام اخير من فرض الصلاه
اخاف مايمطر مطر وتموت ياخضر الجريد
واخاف من راع العصا يرجع على شقرت عصاه