رسّام تشكيلي - سعد برّاك
الي متي يا عالم الصمت والبوح
تذبح سكوت افواهنا كل بوحه
والشعر نعمه والمشاعر غذا روح
من يشتري نعمة ويبتاع روحه ؟
وانا لي افكار ومجالات وطموح
شاعر وصكات الليالي طموحه
اجرح قوافي الشعر واقول مجروح
واثريه من عمري يداوي جروحه
مغرم ولي واقع وبيبان وصروح
وصكيّت بيبان الفؤاد وصروحه !
غامض ويعجبني شدى الدوح للدوح
ومعلّقٍ قلبي على كل دوحه
قلب ابدوى واشجان وآمال ومزوح
رسّام تشكيلي والايام لوحه
اكن ما في خاطري ساع وافوح
واضبط على انغام الترانيم فوحه
من علّم الطاير علي نغمة النوح
من يقدر يعاتبه لاجر نوحه؟!
اثر البحر لو كان ماهوب مملوح
مال البحر معني بليا ملوحه