مقبرة حزن - سعد برّاك
كل ماتطرى على البال يا الريم الفروع
اكتم الونّه بصدرٍ لطعانتك وطن
اشهدنك غبت عني وغيباتك تروع
واشهدنك غاليٍ ماتقدر في ثمن
امحلت ريضان قلبي وضاقن الضلوع
بارك الله في فراقك وصكات الزمن
يا مطوّل في غيابك وانا ماني خضوع
كاسبٍ من جور فرقاك ماهد البدن
لاتطوّل في غيابك وأسميك القطوع
المشاعر كنها خيل والطارى رسن
انتشلني من عنا الحزن واسباب الدموع
كن عيني (مقبرة حزن) وجفوني كفن
رحت والواقع بعد رحت خلاني جزوع
والسنين اتمر غبرا ولا فيها حسن
استمد الصبر يومين والضيقة اسبوع
ما بقابي حيل ورماح هجرانك سطن
كل ماتطري على البال ولّعت الشموع
واستكن اشواق قلبي وقلبي ماسكن
ضاميٍ وصلك واباموت ما أعلنت الرجوع
عنك لو هم التفاريق في قلبي قطن