الحجاج والكوفه - سعد برّاك
ذاهبه والرسوم اللي بعارضها
لاتحققت منها قلت معروفه
طال عمرك وكيف الحال؟ وافرضها
دامها من زمان العام ملهوفه
فرصةٍ طافتك فالعمر عوضها
اعسف السابقة وانقول معسوفه
هي كذا روّض الدعوى وروضها
بس ! لاحظ ترى الشفرات مكشوفه
اضرب افلاش للصورة وحمضها
لحية ابليس محلوقه و منتوفه
ايه حطم قلوب اعداك وامرضها
جعل الاتعاب فالايام مخلوفه
تقرض الناس من خيرك وتقرضها
بعض الازوال في شرواك مكلوفه
عيش ما بين فاتلها وناقضها
واركز الساق واضرب راس فالطوفه
كلمة الحق تقبلها وترفضها
ماتغيّر زمان وتقلب اظروفه
أعرف انّي مربع يا مقيضها
مثل ماربع الحجاج فالكوفه