عابر سبيل - سعد برّاك

كان ضاق المكان اللي من أول مكان
أطرقى ياقدم رجلى دروب الرحيل

ليه أساير وأجامل في هروج اللسان
أحسن البعد والله في عباده كفيل

قبل تظهر خفيات الخواطر بيان
مابديناه بن وهيل تاليه هيل

ما جزا مدة الاحسان غير الحسان
سلمى وسلم جداني وسلم الاصيل

دورت الوقت حكمة واضحه للعيان
يطوى الليل صبح ويطوى الصبح ليل

كل شيٍ يهون ألا فراق الخوان
وأكبر الهم نكران الخوى للجميل

التجارب مدارس والزمان الزمان
والمراجل صعيبه والمكاسب حصيل

والجدي نجم ثابت له مكانه وشان
لكن الناس تفرح عند مطلع سهيل

وأنت ياذيب لاتنزل شعيب الطمان
بين ضلعٍ قصير وبين ضلعٍ طويل

فيك هقواتنا وقت القسا والليان
وكل هقوه جزيله مالها الا الجزيل

أنتبه ماعلى الدنيا ثبات وضمان
لاتقول الكثير يعوض فيه القليل

أعتبر ياصحيبي والله المستعان
مال وادي النخيل الا شموخ النخيل

وكان ضاق المكان اللي من أول مكان
جيت عابر سبيل ورحت عابر سبيل